Home Warar Weerarkii Kismaayo oo Lasoo Afjaray,Tiradda Dhimasho oo La Shaaciyay

Weerarkii Kismaayo oo Lasoo Afjaray,Tiradda Dhimasho oo La Shaaciyay

SHARE

Muqdisho(Gundhig)-Waxaa lasoo afjaray weerarkii lagu qaaday Hoteelka Cas-casey ee Magaalada Kismaayo ee caasimadda KMG ah ee maamulka Jubbaland.

Maleeshiyaadka ka tirsan Al-shabaab ayaa weerar ku bilowday qarax waxa ay ku galeen Hoteelka Cas-casey ay daganaayeen mas’uuliyiin ka Tirsan Dowladda federaalka Soomaaliya, kuwa jubbaland, iyo dad u badan qurba-joog.

Shabaab-ka hoteelka weeraray ayaa waxa ay gudaha hoteelka ka geysteen toogasho,waxayna ka dagaalamayeen ilaa saakay.

Dadka ku dhintay weerarka waxaa kamid ahaa Maxamed Shuuriye, oo ahaa musharaxiinta Jubaland, Hodan Naaleeye oo ahayd Gabar Caawin jirtay Haweenka danta yar, sidoo kale ahayd Wariye madaxbanaan oo aas aastay Integration TV, Seygeeda oo lagu magacaabi jiray Fariid Jaamac, waxa uu mar soo noqday Wasiir katirsanaa golaha Wasiirada Jubbaland, Maxamed Sahal Cumar (Gacma dheere) oo kamid ahaa Suxufiyiin hotelka ku sugneed Xiligii uu weerarka dhacayay iyo Deeq Ciise Wabi oo la shaqeynay Hay’ado aan Dowli ahayn.

Dhanka kale Isbitaalka Magaalada Kismaayo waxaa la geeyay dad dhaawacyo kala duwan kasoo gaaray weerarka, waxaana xalay ku booqday Madaxweynaha Jubbaland Axmed Maxamed Islaam (Axmed Madoobe).

Waa weerarkii ugu horeeyay oo noocaan oo kala ah ee ka dhaca magaaladda kismaayo, oo dhawaan lagu qaban doono doorashadda Madaxtinimadda maamulkaas.